01.09.2019

***
Сы лунӧ, кор сьӧлӧмӧй потіс

Да разаліс енэжас бобулӧн –
Пуксис вой.
Дзурс пемыдас восьлалі-чоті,
Эг сайӧдчы синваысь кобулӧ,
Эг кыв дой.

Сьӧд чӧв-лӧняс вуджӧр моз сылі
Да келалі улісӧ-вылісӧ –
Корси би.
Йӧз сёрнисӧ йӧлаӧн кылі,
А воча куш артмыліс ымӧстӧм:
«Кӧнӧсь ті?»

А найӧ пыр орччӧнӧсь вӧлӧм
И быдтӧмны дзоридзсӧ, мичасӧ
Морӧс тыр...
Ме талун нин кылышта сьӧлӧм
И дойсӧ, мый вочасӧн личалӧ

Вояс пыр.             

                                     Алёна Старцева