вторник, 30 августа 2016 г.

Блогйысьяс костын конкурс пӧ)

     Блогйысь ёртъяс, чолӧм! Алёна Тувсовъяыд дзикӧдз вошис градъяс, юрлӧсъяс да ракпаньяс костӧ, а республикаса конкурс, вӧлӧм, дасьтӧмаӧсь миянлы, мед дышнымӧс шыбитам да зільджыка паськӧдам коми кывнымӧс ӧтуввезйын! Вайӧ сосъясӧс пуджыштам, юр-вемӧс песыштам да блогйысям водзӧ. Коді мекӧд?

понедельник, 22 августа 2016 г.

Коми республикалы - 95!

     Чужан лунӧн, дона Коми му! Уна сьӧкыдлун тэнад венӧма, уна бур мортӧс быдтӧма, уна кыпыд удж вӧчӧма. Коми войтыр вӧчӧны тэныд ыджыд копыр да сиӧны дзоридзавны уна-уна нэм!
Коми муöй – чужанiнöй,
Радейта ме тэнсьыд мич.
Дона Парма – кыйсянiнöй,
Менам муса Ыджыдвидз.
Висер юöй, Эжва дiнöй,
Сыктыв, Летка, Лымва ю.
Гулыд Парма – вотчанiнöй,
Тайö ставыс – Коми му.
Коми вöрöй – нюраинöй,
Яла ягöй, паськыд видз.
Муса Парма – шойччанiнöй,
Радейтана Ыджыдвидз.
Муна кöть ме кутшöм карö,
Аддзыла кöть кутшöм мич,
Медся донаöн мен кольö
Муса сиктöй – Ыджыдвидз!
                                                                                              Алёна Старцева