суббота, 11 апреля 2015 г.

Ыджыд лунӧн!

Зэрӧ. Аски - Ыджыд лун.
Ва гуранӧ видзӧдча.
Пемыд паськӧм мем оз мун.
Нюмъялӧмӧн мичӧдча.

Олӧм гыясын эг пӧд.
Радла пулы, пемӧслы.
Эска, кӧть и ог на тӧд
ачым, кутшӧм Енъяслы.

Нинӧм вылӧ лӧг ог кут.
Лёксӧ вежӧ волысьӧм.
Меным усис помтӧм шуд -
лоны татчӧс олысьӧн.

Зэрӧ. Аски - Ыджыд лун.
Ва гуранӧ видзӧдча.
Пемыд паськӧм мем оз мун.
Нюмъялӧмӧн мичӧдча.
                         Зарни Люся


Комментариев нет:

Отправить комментарий