Вомидз

Важӧн нин кывбурыс заводитчис, талун сӧмын помыс сюри...
***
Рузум кадӧ помтӧг бӧрді - семдытӧдз,
Рӧдвуж ёна майшасисны - кевмытӧдз.

Абу дырӧн олысь - мамлы шуисны,
Шӧпкӧдысьяс дінӧ гусьӧн нулісны.

Пӧчӧй лун-лун корӧсяліс-жбоньӧдіс,
Вомидз лэдзис - сэки вӧлись кокньӧдіс.

Пывсян бӧрын кузя-нэмӧн мортсямми...
Сӧмын бара кыськӧ синва корсялі.

Коді талун менӧ мездас вомидзысь?
Бӧрдӧмсорӧн лоӧ овны помӧдзыс.
                                                      Алёна Старцева