05.02.2019

***
Кор видз выв дзоридз мыччин серамсорӧн
Да лабич вылын пукалыштны корин,
Сэк гӧгӧрвои: сьӧлӧм тэнӧ тӧдіс...
И кыдзкӧ ӧти здукӧн лэдзис сьӧдыс,
И кыдзкӧ ӧти здукӧн тыртіс шоныд.
Ме юасьлі, а вермӧ-ӧ сідз лоны,
Мый мортыс пыр-пыр лои медся матыс,
И йитӧдсӧ оз чышкы весиг кадыс,
И йитӧдсӧ оз орӧд весиг туйыс?
А тэрыб тӧвру юалӧмӧс нуис
И ылі муын ветлӧ мӧвпнас тайӧн,
Мед вочакывсӧ ачыд коркӧ ваян.
                            Алёна Старцева (05.02.2019)